Հերթական ինտելեկտուալ առաջնությունը տեղի ունեցավ, և իհարկե, մեր համալսարանը ևս անմասն չմնաց պատվավոր տեղ գրավելու հարցում…:-)…
Առաջնությունը կայացավ շնորհիվ այն մարդկանց, ովքեր հետաքրքրվում են երիտասարդ սերնդի կրթմամբ և պատրաստ են ջանք չխնայել` երիտասարդներին հնարավորինս ապահովելուվ ոչ ֆորմալ կրթությամբ:
Առաջնությունը տեղի ունեցավ փետրվարի 21-ին «Ֆոտոն» վարժարանում: «Ինչ, որտեղ, երբ»-ն այս անգամ կազմակերպվել էր «Գյումրի-Անի» և «Արմսփյուռ» հասարակական կազմակերպությունների կողմից: Ինչպես միշտ մասնակիցների շարքերը լրացնում էին և բուհերի և քոլեջների թիմեր: Մասնակցում էր նաև «Ֆոտոն» վարժարանի թիմը:
Մեր համալսարանի թիմն իր փայլուն խաղով գրավեց պատվավոր 3-րդ հորիզոնականը: Մեր թիմի անդամներն էին` Կարեն Ռաֆայելյանը (Ֆ/Վ 3-րդ կուրս) , Մհեր Ավագյանը (Ֆ/Վ 3-րդ կուրս) , Հովհաննես Գաբրիելյանը (Ֆ/Վ 3-րդ կուրս) , Անի Հարությունյանը (Ֆ/Վ 3-րդ կուրս) , Վլադ Մխիթարյանը (Ֆ/Վ 2րդ կուրս) և իհարկե Արթուր Սիմոնյանը` կրկին Ֆ/Վ 2րդ կուրսի ուսանող:
Խաղի ավարտից հետո շնորհավորանքի իր խոսքով հանդես եկավ ԱԺ պատգամավոր և ՀՊՏՀ ԳՄ դասախոս Սուքիաս Ավետիսյանը:
Հերթական անգամ նվաճում և հերթական անգամ ոգևորության մի մեծ ալիք, որը ուժ և հավատ է տալիս մեզ, ստիպում հասնել բարձունքների և գնահատել այն ինչ ունենք` իհարկե այդ ամենին գումարելով մեր ձգտումը և նվիրվածությունը: